"पॅथॉलॉजी प्रॅक्टिस मधील गमती-जमती-भाग ३८"

"पॅथॉलॉजी प्रॅक्टिस मधील गमती-जमती-भाग ३८"

"ऑटोमेशन" चे "बत्तासे" संपले म्हणून प्रतापने आज "छंद" ही नवीन "दही हंडी" फोडली आहे.सांगतो त्याबद्दल आज ! माझ्या इंग्रजी कादंबर्‍या वाचण्याच्या "छंदा" तील हॅराॅल्ड राॅबिन्स यांची "Betsy" ही कादंबरी कोणीकोणी वाचलेली आहे ? त्यातली काही पाने पुन्हा पुन्हा वाचावीसी वाटायची व मन:चक्षुंसमोर ती दृश्ये पुन्हा पुन्हा साकार व्हायची.

या पुस्तकाची माझी एक आठवण सांगण्यासारखी आहे. तुम्हाला मला ज्येष्ठ असलेल्या RP in FM डाॅ.एलिझाबेथ ओमेन यांचा आगरवालसरांबरोबर झालेला वाद सांगीतल्याचे आठवते ना ? डिझर्टेशनमधे त्यांनी Series या शब्दाचे स्पेलिंग बदलायला लावले होते.त्यामुळे डाॅ.एलिझाबेथ या धाय मोकलून रडू लागल्या होत्या.मग मी त्यांना सरळ घरी पाठवून दिले होते व जाताना करमणुकीसाठी मी वाचत असलेली "Betsy" ही कादंबरी हातात ठेवली होती.

दुसर्‍या दिवशी भलतेच झाले.माझ्यावर खुश होण्याऐवजी त्यांनी धुसफुसतच माझ्या अंगावर "Betsy" ही कादंबरी फेकली व बरसल्या "I am a Syrian Christian ! Do not ever give me such filthy novels to read !

मला काहीच कळेना.जसजशी ही कादंबरी मी पुढे वाचत गेलो तस तसा सर्व खुलासा होत गेला व मीच ओशाळलो.या अनुभवातून एक गोष्ट शिकलो.कुठलीही कादंबरी संपूर्ण वाचून झाल्याशिवाय कुणालाही पुरस्कृत करायची नाही. महिलांना तर नाहीच नाही.